روائع مختارة | بنك الاستشارات | استشارات نفسية | لا..لا.. لست بنتا

أنا عمري 17 سنة - أول ثانوي .. مشكلتي أني أحس أني بوووي . دايم أحس أني ولد موب بنت , وحتى تصرفاتي الكل حولي يقولي ( نظراتك تخوف كأنها نظرات ولد - أنت تخوفين ما عمري حسيتك بنت -

وأنا ماحسيت أن كل نظراتي تخوف البنات إلا يوم درستنا معلمة حلوة مرة ودايم تلبس كعب .. دايم نظراتها لي مدري شلون .. أنا ما أشوفها لابغت تشوفني بس فيه بنت قالت لي : المعلمة فلانة دايم تشوفك باستغراب لييه .؟؟!

ولا شفتها في الحصة وهي تشرح ترتبك و تتلعثم وتتغير نبرة صوتها .. عشان كذا ما عاد صرت أحط عيني عليها وهي لا صارت علينا ماتلبس كعب .. أحسه عشاني .. أنا أحس بإحرااج شدييد ..يعني أنا ما أدري ليه هي كذا مع أني ما أسوي أي فعل شاذ مع أي أحد ولا قد قلت لهالمعلمة أي شي وما بننا أي شي )

فيه بنت نفس عمري أحبها أحياناً أشوفها لانمت و أحلم إني معاها ( .... ) أتمنى تكون فاهم علي .. كثييير أحلم فيها .. و أشوف نفسي معاها ويصير بيننا (....) خلاااص أنا عقب هالأحلام حسيت أني بوووي .. يعني معقولة فيه بنت تحلم زيي .. وتحس بفلة شعور حلو لما تلمس بنت ؟؟!!؟..

والله نفسيتي تعبانة أحس أني بووي .. وما صرت أطلع من البيت ما بي ألبس عباية .. أبي أسوق أبي أعيش بووي .. ( أنا ما أييد أن البنت تترك العباية أو تسوق .. بس أبي .. أحس إني بووي ) ما أحس أن دور البنت يناسبني .. ما أعرف أسولف مع البنات في الفصل .. أرتبك لاتكلمت مع بنت حلوة ..

وه تعبت ...أنا شكلي حلو .. أغلب الي يشوفوني يقولون : شكلك كيوت .. بس ما أقدر ما أعرف أصير بنت أبداً .. أحس أني بوي .. ولا بغيت أقنع نفسي أن هالأشياء ما تليق علي كـ(بنت).. أقول : أنا يابووي .. يا بنت شااذة .. من تصرفاتي ..

أتمنى تقولون لي وش الي لازم أسويه عشان أتعدل .. مابي أحد يحس إني ( بووية ) .. بس الي فيها مجرد كبت عاطفي وما أدري إيش ..

أختي الكريمة :

لا داعي للقلق الزائد هذه التغيرات التي تحدث لك بسيطة وإحساسك أن لديك ميولة ذكورية مرتبط بأفكار من حولك عنك وبما يقولونه ثم ترجم هذا الأمر إلى أحلام تؤرقك للتنفيس عما يدور في رأسك .

هذا التحليل بداية أما ما يجب فعله اشترك مع زميلاتك في الأنشطة ولا تتعاملي معهم بناء على أفكارك أنت ..... انسي نماما أن لديك ميول ذكورية وتذكري ما تتمتعين به من جمال انثوي .

ما تعانين منه هو تغيرات المراهقة وستنضبط انفعالاتك قريبا بإذن لله لا تقلقي .